گلشن میں لہو رنگ

گلشن میں لہو رنگ                                                                                                                                     تحریر: عاطف ملک                      

Gulsahn-e-Iqbal garden bomb blast Sunday, 27 March 2016 Lahore during start of Spring.
At least 72 people were killed in a presumably suicide blast that took place in Lahore's crowded Gulshan-i-Iqbal park on Sunday evening. At least 300 others were injured. The powerful blast ripped through a massively crowded area of the park adjacent to Gate 1 which houses swings, train and some other attractions for children. A large number of victims were children and women.

This poem was written the very next day, 28 March 2016 as the pain was unbearable.                                                                                        

بہار میں یہ کیسا منظر ہے

         چہار سو لہو رنگ ہے                                      

پھول مسلے  ہیں

کلیاں اجڑی ہیں

               تتلیاں روندی ہیں

 چہار سو لہو رنگ ہے                                     

ننھی لاشیں ہیں

مردہ مائیں ہیں

چھوٹا بھیا ہے

ساتھ اُس کی بہنا ہے

ابھی زندہ آوازیں تھیں

اب موت خامشی ہے

پتھرائی آنکھیں ہیں

چہار سو لہو رنگ ہے                                   

گھومتے جھولے سے

لہو جو ٹپکتا ہے

وہ میرا بیٹا تھا

وہ میری بیٹی تھی

ہنسی کی کلکاری تھی

بہار میں جا سوئی ہے

پینگ کے جو جھولے تھے

اب تک لرزتے ہیں

چہار سو لہو رنگ ہے                                 

   کون ہے جوآیا  تھا

کون اُس کو لایا تھا

کس نے  یہ بتلایا تھا

زندگی کو ارزاں کر

موت کو پھیلاو دے

حیات تو ہی پائے گا

جنتوں کے سوداگر

محبتوں کے مذہب کو

نفرتوں سے بدلے ہیں

اور میرے گھر میں اب

صرف یاد کا جہنم ہے

چہار سو لہو رنگ ہے                                 

گھومتے جھولے سے

لہو جو ٹپکتا ہے

وہ میرا بیٹا تھا

وہ میری بیٹی تھی

ہنسی کی کلکاری تھی

بہار میں جا سوئی ہے

پینگ کے جو جھولے تھے

اب تک لرزتے ہیں

چہار سو لہو رنگ ہے                                 

Copyright © All Rights Reserved :

No portion of this writing may be reproduced in any form without permission from the author. For permissions contact:

aatif.malikk@gmail.com