ہم صورت گر کچھ خوابوں کے

تحریر: عاطف ملک چوتھی قسط درج ذیل لنک پر پڑھی جاسکتی ہے https://aatifmalikk.blogspot.com/2026/10/blog-post_13.html   خدا خدا کرکے جہاز میں داخل ہوئے۔ مسافر کی سیٹ جہازمیں   پیچھے تھی، ساتھ ایک خاتون اور اُس کا آٹھ نو سالہ بیٹا بیٹھا ہے، جبکہ پچھلی سیٹ پر ایک خاتون اپنی کم عمر بیٹی کے ساتھ ہے۔ ڈھائی گھنٹے کی پرواز میں وہ بچی لگاتار نانا، نانا کی آوازیں بلند کرتی رہی، سو فلائیٹ میں کافی گھریلو ماحول تھا۔سفر میں   پانی کی بوتل اور ایک سینڈوچ دیا گیا۔ مسافر نے ایر ہوسٹس سے سبزی سینڈوچ کی فرمائش داغی۔ سبزی سینڈوچ کیا چیز ہوتی ہے، ایسی ڈشوں کا   سفر میں ہی پتہ لگتا ہے۔ درمیانی راہ کی دوسری جانب بیٹھی خاتون نے بھی سبزی والاسینڈوچ مانگا۔ ایر ہوسٹس دو سبزی سینڈوچ لے کر آئی اور   ایک اس خاتون کو دیا اور دوسرا میرے ساتھ بیٹھی خاتون نے اُچک لیا۔ اب انتظارِ مسافر تھا کہ کب سینڈوچ آتا ہے، مگر بجٹ ایرلائنز کی سروس بھی بجٹ کے اندر ہی ہوتی ہے، سو کچھ نہ آیا۔ اتنے میں سامنے والی سیٹ سے ایک لڑکا اٹھا اور جہاز کے پیچھے ہوائی میزبانوں کے کیبن میں گیا اور وہاں سے دو سینڈوچ مانگ کر ...